القسم الثقافي  |  القسم العربي  |  القسم الكوردي |  أرسل  مقال  |   راسلنا
 

تقارير خاصة | مقالات| حوارات | اصدارات جديدة | قراءة في كتاب | مسرح |  شعر | نقد أدبي | قصة | رياضة | الفنون الجميلة | الارشيف

 

twitter


البحث



Helbest

 

 
 

يا حيف .

 
الأربعاء 01 نيسان 2015


كريمة رشكو

31 آذار 2011 
المكان قامشلو .
منح الكورد الجنسية العربية السورية .
أحمد من عرب حي الطي. .الووووو كريمة مبرووك الجنسية ..
نحن في الطريق إلى الاجتماع لمظاهرة 1 نيسان 2011
فرهاد .نارين .شيرو .الآن .يلماز ونسيت اسم البقية .
لم يكن في الحسبان أن الثورة ستتحول إلى مجموعة فصائل متحاربة فيما بينها لأجل ...لا نعلم لأجل ماذا ولكن حتما ليس لأجل الشعب والثورة .
كما ولم يكن في الحسبان أن يعود كره العربي للكوردي والعكس صحيح ..


من قامشلو ل حوران الشعب السوري ما بينهان 
الزمان 1 نيسان 2011 ..
انا وأخوتي ونارين متيني. .واغنية سميح شقير 
اليوم س 11 التجمع سيكون أمام جامع قاسمو 
لاتروحي بنتي ... مشان الله لاتروحي مالي غيركم 
طيب ماراح روح امي ..
ليش عم تبكي بنتي .. 
أمي عم ابكي على شبابنا ..اليوم طالعين للمظاهرة والله العليم شو مصيرهم يااااااا امي .
س 11 وربع .. حرية حرية حرية .
وأنا في مكان عملي ..في شارع عامودا ..بيني وبين جامع قاسمو أمتار قليلة فقط 
العلم السوري يرفرف في سماء قامشلو ..
مطلبنا حرية وليس الجنسية 
من يعوضني حرمان 49 سنة .
تقترب مني المظاهرة ... أخي هناك ..
لازم روح ..لازم روح .
أخي ..لك تعي تعي ..
حرية حرية ..لأول مرة حملت علم سورية بحب .
كتير ناس خافوا وكتيرين بكيوا. .
أول صرخة حرية يا الله .
وقتها ..خلوني خبركم :
تذكرت بابا يلي حرم من الجنسية وضل يشتغل عامل ليعيشنا 
تذكرت امي كيف كانت تبكي وتقول يا الله ليش حرمت ولادي من دراستهم 
تذكرت وزير التعليم العالي لما قال لي تفضلي طلعي من المكتب ما الك شي عنا وحرمني من شهادة الجامعة 
تذكرت اختي وكيف حرموها من الجامعة 
تذكرت كل كوردي حرم من لغته ومن أبسط حقوقه ..
يا الله .. عم نادي حرية .
شفت امي ..أمي يلي منعتني اطلع ..كانت تبكي وتزغرد. .
اكيد تزكرت أوجاعنا وألمنا. . 
بآخر المظاهرة عجوز في السبعينات تقريبا ..يبكي بصمت ..
أي عمو .. بلشت الثورة والأسد راحل.
لم يرحل الاسد .. والشعب السوري ماصار واحد . 
من قامشلو لحوران. .الشعب السوري كتير انهان. 
وهيك يا سورية .. صار عنا ذكريات تؤلمنا وتبكينا. 
هتفنا حرية ..كرامة .سورية الديمقراطية ..
صاروا بيهتفوا سورية العربية السنية 
هتفنا سورية المدنية 
صاروا بيهتفوا الخلافة الإسلامية 
هتفنا يلي بيقتل شعبه خاين ..
صاروا يذبحوا نسواننا باسم الله
هتفنا لا للطائفية ..
صاروا بيحرقوا شبابنا باسم الدين .
وهيك يا سورية .. 
تدخلت امريكا ونجحت كل خططها والكيماوي صار متل فقاعات الأطفال شي بغوطة وشي ب سرمين. .لا تنديد ولا شيء مستحيل .
شو بدي اخبركم كمان ..
إن صار عنا كتل معارضة ..صارت تتاجر بدم الشعب وكلما صارت مجزرة ..تزداد رواتبهم 
اللهم زد من مجازر السوريين وإملأ خزائننا يا الله .الكوردي صار يخون الكوردي 
والأمة العربية دارت ضهرها والجرح السوري ما توقف نزيفه. 
تركية يلي حرقت آلاف القرى وقتلت مئات الآلاف من الكورد .. صارت الدولة الشقيقة للسوريين وصاروا يقولوا شكرا أردوغان ..
عجبا من خلق الله .
يجب على الأسد التنحي الفوري .. 
أبر مسكنة للشعب ..الإرهاب يغزوا مدننا. .نهلهل لهم ..عاشت سورية ويسقط بشار الأسد .
وهيك يا سورية ..
من سورية المحتلة .. إلى غنيمة غزوات الإرهاب .
نصف الشعب تهجر والنصف الباقي بين الموت جوعا والمطالبة بالتفاوض مع النظام .
أما الائتلاف يا سادة ياكرام ترفض التفاوض وترفض مطالب الشعب .
ونحن لا حول ولا قوة لنا

 
المقالات المنشورة تعبر عن رأي أصحابها ولا تعبر بالضرورة عن رأي الموقع
 

تقييم المقال

المعدل: 3
تصويتات: 2


الرجاء تقييم هذا المقال:

ممتاز
جيد جدا
جيد
عادي
رديئ

خيارات