Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Helbest u pexşan: Kêferata termên bê nav

 


Ronî ELÎ

Di gewriya dil de 
Goristan vebûn
Kevanên hêviyan
Ber wêranê çûn
Rondikên te Dayê
Koça welate



Buxça li pişta min
Pêt û şewate

Hey welato ez
Kuştiyê xwe me

Xwîna Miştenûrê
Birîn kolandin
Bêdengiya Çavan
Mirin diçandin
Li paş min haware
Berî bi mij de
Barê min Dayê
Ji girî mişte

Hey welato ez
Kuştiyê xwe me

Li deşta siwaran
Sosin şewitîn
Li herdû kaniyan
Çivîk perpitîn
Dîwarên evînê
Bûn kavlên xewnan
Nameyên dildaran
Mane bê ziman

Hey welato ez
Kuştiyê xwe me

Dergûşên kolanan
Rê li min girtin
Ji hilma kuştinê
Stêr vemirtin
Min şopa te Dayê
Dîsa wendakir
Ji Tûrê wêranê
Dilketin çekir

Hey welato ez
Kuştiyê xwe me

Ew termê wendayî
Bê nav namîne
Xeml û xêza Bûkan
Bi hers û vîne
Sînga Kobaniyê
Her kêferate
Di tolvedanê de
Mizgîn, felate

Hey welato ez
Kuştiyê xwe me

972015

 
Gotar Nerîne Xwediyê Xwene
 

Puanên Nûçeyê

Asta Dengan: 0
Bi Tevahî Deng: 0

Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark