Welatê me - Operasyona kaniya xwînê ya Tirkiyê û encamên wê li ser doza kurdî

Sereke

Nûçe
Gotar
Hevpeyvîn
agahî
Dîrok
Ziman
Helbest u pexşan
Berhemên Nû
Çîrok
Semînar
Gotarekê rêka
Peywendî
Me bida nasîn
Erşîv

Ger



Gotar: Operasyona kaniya xwînê ya Tirkiyê û encamên wê li ser doza kurdî

Rêzan Şêxmûs

Gelê Kurd li Kurdistana Sûriyê, bi xurtî her ji yekemîn roj beşdarî şoreşa Sûrî bû, ji bo bidawîkirina dîktatoriyê û avakirina Sûriyek nû ya sekuler, federal û demokrat, û danasîna mafên hemû pêkhateyên wê yên olî û netewî, nemaze ji bo bidestxistina mafên gelê kurd yên netewî û diyarkirina çarenivîsa xwe li gorî peyman û rêkeftinên navdewletî yên têkildar.

Lê jeopolîtîka dewleta Sûriyê bû kelem li pêşiya şoreşê û bidestxistina armancên xwe yên ji bo hilweşandina rêjîmê mîna welatên din yên Ereban, berevajî vê yekê Sûriya bû qadek vekirî ji bo navbeynkariya hemû welatên deverê û cîhanê, ne ji bo gelên Sûriyê, lê ji bo pêkanîna rojev û berjewendiyên xwe di vî welatê biçûk de li Rojhilata Navîn, herweha ku Rejîmê jî çek û firokeyên cengî û tank bikaranîn ji bo bidawîkirina şoreşê, û bikaranîna hemû kaxezên xwe yên berdest, da ku teror belav bibe ji bo destwerdana navnetewî û dirêjkirina qonaxa şer.
Opozisyonê hemû kaxezên xwe jidest dan dema ku dest bi şerê çekdarî kir, tevlî ku wê ti bernameyek sîyasî ya zelal ji bo pêşeroja Sûriyê nebû û nekarî pêkhateyên Sûriyê li dora xwe kom bike û bibe alternatîv ji bo çareserkirina pirsgirêkên wan, ev jî bû sedem ku Rejîmê karî hemû pêkhateyên olî û netewî bêalî bike û wan ji opozisyonê dûr bike.
Bi vî awayî şoreşa Sûrî hat guhertin û şer di navbera Rêjîmê û opozisyonê de peyda bû û têde nîvekî Sûriyê wêran bû, mîlyonek mirov hatin kuştin û heft mîlyon koçber bûn, û piştre rêxistinên terorîstî yên mîna DAIŞ û Al-Nusra peyda bûn, û bûn sedema avakirina hevpeymaniyeke navnetewî li dijî DAIŞ`ê, û bi vê yekê Sûriya bû qadeke şer ji bo berjewendiyên welatên dagîrker yên li Sûriyê.
Partiyên Kurdî li Sûriyê ji destpêkê ve bûne du beş di navbera alîgiriya şoreşa Sûrî û alîgiriya Rejîmê de, Rejîmê û bi piştevaniya Îranê ji bo tinekirina doza kurdî rêkeftin digel Qendîl û bi fermana wê hêzek leşkerî hate organîzekirin û kurdistana Sûriyê ji bo wê hate radestkirin, tevî hewildanên mezin yên Herêma Kurdistanê ji bo yekgirtina hemû partiyên Kurdî di çarçoveya Komîteya bilind ya Kurdî de, ku di navbera Encûmena Niştimanî ya Kurdî û Partiya Yekîtiya Demokrat de hatibû damezrandin, lê ev hewldan şikestin ji ber dîktatoriya PYD û sîyaseta wê ya dûr ji berjewendiya netewî ya gelê Kurd, û paştre hêza Sûriya demokratîk ji YPGê ya girêdayî

Qendîlê û ji Ereb û Xiristiyan hate damezrandin, û di şerê li dijî DAIŞ`ê bû hevalbendê serekî yê Amerîka li Sûriyê û bi piştevaniya serbazî ya bêsînor sêyek ji axa Sûriyê ji destê DAIŞê rizgar kir, û li gorî daxuyaniyên fermandarên HSD, ku 11,000 ciwanên kurd di şer de şehîd bûn, ji bilî şerên vê dawiyê li dijî êrişên Tirkiyê li ser deverên kurdî, tevî ku ji aliyê van hêzan guleyek li dijî Tirkiyê ne hatibû teqandin, ku armanca wan şerê DAIŞ bû, lê Erdogan û bi hinceta PKK ji du salan ve gefan li PYDê û li deverên kurdî dixwe, ku artêşa Tirkiyê digel çeteyên opozisyona sûrî pêştir bi glopa kesek ya Rûsyayê dest bi dagîrkirina Efrînê kir, û xelkê Efrînê rastî hemû kiryarên wêran hatin, û her berdewam li ser vê siyasetê êrîşî deverên kurdî li rojhilatê Firatê niha dike, bi sûd wergirtin ji mercên sîyasî û leşkerî li Sûrîyê, û bidawîbûna şer li dijî DAIŞ û vekêşana leşkerên Amerîkî ji Sûrîyê.
Ku artêşa Tirkiyê di vî şerî de, dixwaze kurdistana Sûriyê parçe bike û bi guhertina demografî ya deverên kurdî û peydakirina şer di navbera kurd û Ereban de bi riya bikaranîna çeteyên opozîsyona Sûrî di dagîrkirina Efrînê de û niha di bihara xwînê de di dagîrkirina Girêspî û Serêkaniyê de, ji bo zêdekirina dorpêçê li ser Kurdistana Îraqê û sepandina hejmongeriya xwe ya aborî li ser Herêma Kurdistanê û Iraqê û li bin navê navçeya ewle piştgiriya aborî ji welatên piştgir werbigire û guherînek demografî li deverên kurdistana Sûriyê pêk bîne û projeya kurdî ji bo avakirina statûyekê li Kurdistana Sûriyê jinav bibe.
Operasyona bihara xwînê gelek arîşeyên girîng li ser qada Sûrî xuya kirin, ku ya herî girîng, dijminahiya mezin ya Erdogan û hikûmeta wî li hember şoreşa Sûrî û gelê Kurd û têkiliyên wê re digel rejîma Sûrî re û helwesta lewaz û şofînizim ya opozisyona sûrî derbarê doza kurd û gelê kurd xuya bûn, û tevî xuya bû ku PKKê gelê kurd li Sûriyê ji bo berjewendîyên xwe bikar tîne û gelê kurd lawaz dike û hincetan dide artêşa Tirkiyê ji bo şer li dijî gelê kurd li Sûrîyê, herweha aşkera bû ku Rêjîmê û opozisyonê yek helwest yê hevbeş heye li dijî gelê Kurd.
Di dawiyê de hêjaya bêjim ku piştevaniyek navdewletî ji bo doza kurdî heye, nemaze ya Ewrûpî, ji bo çareserkirina pirsa kurdî li Sûriyê bi riya pejirandina gelê kurd di destûrê de, û ev yek pêşkeftinek erênî ye ji bo doza gelê Kurd, ji ber ku zextek mezin heye ji aliyê Amerîka û Rûsiya û hem ji aliyê Serok Nêçîrvan Barzanî li ser rêberên PYD ji bo xwe ji Qendîlê dûr bike û ev yek wê bibe xalek bingehîn ji bo yekrêziya Kurdî û derfeteke mezin ji bo çareserkirina doza kurdî li Sûriyê.

Gotar Nerîne Xwediyê Xwene

Puanên Nûçeyê

Asta Dengan: 5
Bi Tevahî Deng: 2

Ji kerema xwe re kurtedemeke xwe bide vê dengdanê:
Herî baş
Pir baş
Baş
Ne xirab
Xirab

Vebijark

Dikare Bête Çapkirin

Welateme.net@gmail.com